| |
Green Grow the Rushes, O
Dance: "Trip to Tunbridge"
Song: "Green Grow the Rushes", Robert
Burns
There's nought but care on ev'ry han',
In ev'ry hour that passes,
O;
What signifies the life o' man,
An' 'twere na for the lasses, O.
Chorus: Green grow the rushes, O;
Green grow the
rushes, O;
The fairest hours that e'er I spent,
Were spent among the lasses, O.
The warly
race may riches chase,
An' riches still may fly them, O;
An' tho' at last they
catch them fast,
Their hearts can ne'er enjoy them, O.
Chorus But gie me a canny hour
at e'en,
My arms about my Dearie, O;
An' warly cares an' warly men,
May a' gae tapsalteerie, O!
Chorus For you sae dense, ye sneer at this,
Ye're
nought but senseless asses, O;
The wisest Man the warl' saw,
He dearly
lov'd the lasses, O.
Chorus Auld Nature swears, the lovely Dears
Her noblest work
she classes, O;
Her prentice hand she try'd on man,
An' then she made the
lasses, O.
Chorus
Return to Dance Index
|
